«Ордабасының» еурокубоктағы қарсыласы инвесторымен қоштасты
«Петрокуб» өз инвесторымен қош айтысқанды жөн көрді
Moldfootball.com порталының мәліметінше, «Ордабасы» клубының еурокубоктағы қарсыласы молдавиялық «Петрокуб» футбол клубы мен ганалық инвестор Нана Яу Ампонс арасындағы келісімшарт аяқталды. Ал Михай Усатый клубтың президенті болып қайта тағайындалды, деп хабарлайды Dopmedia.kz.
«Петрокубқа» дейін Ампонс бірнеше рет «Зимбра» клубына инвестиция салуға тырысқан көрінеді, бірақ клуб ұжымы одан бас тартқан.
Естеріңізге сала кетейік, «Петрокуб» Чемпиондар лигасының 2024/25 жылғы маусымының бірінші іріктеу кезеңінде шымкенттік «Ордабасы» командасымен кездеседі. Бірінші ойын 10 шілдеде Шымкентте өтеді, ал екінші ойын 17 шілдеде Молдовада болады.