«Алтын доп сөзсіз Винисиусқа тиесілі» – Анчелотти
Мадридтік клубтың бас бапкері күтпеген жаңалығын айтты
Чемпиондар лигасының топтық кезеңінде өз алаңында дортмундтық «Боруссияны» 5:2 есебімен ойсырата жеңген мадридтік «Реалдың» бас бапкері Карло Анчелотти Винисиус Жуниордың шеберлігіне ерекше баға берді. Бұл туралы Dopmedia.kz тілшісі хабарлайды.
Айта кету керек, бірінші таймнан кейін 0:2 есебімен ұтылып жатқан «корольдік клуб» екінші таймда бес бірдей жауапсыз гол соғып, таңғажайып камбэк жасады. Ал Винисиус Жуниор бұл матчта хет-трик жасап, ойынның басты жұлдызына айналды.