Шавкатқа жаңа қарсылас табылды: ол UFC-де чемпион болған
UFC-дің бұрынғы чемпионы үндеу тастады
UFC-дің жартылай орта салмақтағы бұрынғы чемпионы Камару Усман жақын арада октагонға оралатынын мәлімдеді, деп хабарлайды Dopmedia.kz.
Спортшы әлеуметтік желілерде жаттығу сәтінен сурет жариялап, «Тыныштық бұзушы! Мен жақында келемін», – деп жазды.
Еске салайық, бұған дейін Шавкат Рахмоновтың менеджері Саят Әбдірахманов UFC 310 турнирінде Белал Мухаммадтың орнына Камару Усманның шығу мүмкіндігін хабарлаған болатын. Турнир Лас-Вегас қаласында өтеді деп жоспарлануда.