Дональд Трамптың өмірін суретпен баяндаймыз (фото)
АҚШ Президенті атанған Дональд Трамптың өміріндегі маңызды сәттеріне шолу.
Дональд Трамп 1946 жылдың 14 маусымында Нью-Йорктің Куинс ауданында дүниеге келген.
Дональд — отбасындағы бес баланың төртіншісі. Оның екі ағасы Фред кіші , Роберт және екі әпкесі Мэриэнн мен Элизабет болған. Қазіргі таңда тек Элизабет қана тірі. Дональдтың әкесі Фред Нью-Йорк маңында табысты құрылыс компаниясын басқарды.
1968 жылы Дональд әкесінің компаниясында жұмыс істей бастады, бірақ кейін өз компаниясын ашып, Манхэттеннің орталығында жылжымайтын мүлікпен айналысты.
Одан кейін казино, гольф алаңдары мен қонақ үйлер — Атлантик-Сити, Чикаго және Лас-Вегастан бастап, Үндістан, Түркия және Филиппиндерге дейін кеңейтілді. Дональд Трамптың ерекше стилі оған Нью-Йорктың іскерлік әлемінде көзге түсіп, The Apprentice («Подмастерье») телешоуы арқылы ойын-сауық әлемінде жұлдыз атануға көмектесті.
Дональд Трамп үш рет үйленген, оның бес баласы бар. Оның бірінші әйелі 1977 жылы фотомодель әрі кәсіпкер Ивана Зелничкова болды.
Трамп өзінің үшінші әйелі Мелания Кнаусске 2005 жылы үйленді. Олар 1998 жылы танысқан кезде, Дональд 52 жаста, ал Мелания 28 жаста болған. Трамптың саяси мансабы 2015 жылы басталды: ол президенттікке қатысу ниетін Трамп-тауэрде отбасының ортасында өткен баспасөз мәслихатында мәлімдеді.
Даулы сайлау науқанынан кейін, түрлі жанжалдармен өткен сайлауда Трамп Демократиялық партияның кандидаты Хиллари Клинтоннан жеңіп шығып, АҚШ-тың 45-ші президенті ретінде ант қабылдады.
2024 жылдың мамыр айында Трамп 2016 жылғы сайлау алдындағы Сторми Дэниэлске жасырын төлем жасауға байланысты есеп-қисапты бұрмалағаны үшін 34 айып бойынша кінәлі деп танылды. Жазғы сайлау науқаны кезінде Пенсильвания штатында өткен митингте Трампқа қастандық жасалды, бірақ оқ құлағын ғана жанап өтті.
Бірнеше күннен кейін Милуокидегі Республикалық партия съезінде ол президенттікке кандидат ретінде ресми түрде бекітілді.
Дональд Трамп 2024 жылғы АҚШ президенттік сайлауында жеңіске жетіп, жаңа төрт жылдық мерзімінің соңына қарай ел тарихындағы ең қарт президент болмақ. Мерзімнің соңында оның жасы 82-ге жетеді. Джо Байденнің жасы 82-ге қараша айында толады.