Жасанды интеллект тарихтағы 10 үздік спортшыны атады: Роналду мен Тайсонсыз, бірақ Майкл Джорданмен
Танымал GiveMeSport интернет-басылымы жасанды интеллект көмегімен жасалған тарихтағы 10 үздік спортшының рейтингін жариялады.
Рейтингтің үшінші орнын бразилиялық аты аңызға айналған футболшы Пеле иеленді. Ол 1950-1970 жылдары ойнаған. Пеле мансабында көптеген голдар мен жеңістерге жетті, соның ішінде үш рет әлем чемпионы атанған. Бұл жетістікке әлі ешкім жете алған жоқ.
Екінші орында – ауыр салмақтағы абсолютті әлем чемпионы және 1960 жылғы Олимпиада чемпионы америкалық боксшы Мұхаммед Әли.
Рейтинг көшбасшысы ретінде америкалық баскетболшы Майкл Джордан танылды. Ол екі рет Олимпиада чемпионы атанған, алты рет НБА чемпионатын жеңіп алған және бес рет маусымның ең құнды ойыншысы (MVP) атағын алған.
Айта кетерлігі, үздік ондыққа футболшы Криштиану Роналду, боксшы Майк Тайсон сияқты аңызға айналған спортшылар кірген жоқ.
