ПАРИЖ-2024: Ақсақалдар олимпиадашыларға батасын берді
Бокстан ұлттық құрама сапында Түркістан облысының екі спортшысы бар
Бокстан Қазақстан ұлттық құрамасы Түркістан облысы, Төле би ауданындағы «Алма Тау» спорт базасында төртжылдықтың басты бәсекесіне қорытынды дайындықтарын пысықтауда,- деп хабарлайды dopmedia.kz
Түркістан облысы әкімі аппаратының басшысы Еркеғали Әлімқұлов спорт базасына арнайы барып, боксшылармен жүздесті.
Бокстан ұлттық құрама сапында Түркістан облысының екі спортшысы бар. Олар – Сәкен Бибосынов және Мұхамедсабыр Базарбайұлы. Түркістан облысынан аттанған 5 спортшыға облыстық ардагерлер кеңесінің мүшелері, Төлеби ауданының ақсақалдары, ел ағалары батасын беріп, ақ жол тіледі.