Асу Алмабаевтың UFC-дегі келесі жекпе-жегі қашан?
Асу Алмабаев қазан айында жекпе-жек өткізгісі келетінін айтты
UFC промоушенінде өнер көрсететін қазақстандық жауынгер Асу Алмабаев келесі жекпе-жегінің қашан және кіммен өтетіндігі туралы Вести Спорта YouTube арнасына берген сұқбатында айтты. Бұл туралы Dopmedia.kz тілшісі хабарлайды.
Қазақстандық аралас жекпе-жек шебері Асу Алмабаев келесі жекпе-жегін қашан және кіммен өткізгісі келетінін айтты. Файтердің айтуынша, келесі жекпе-жекті ұзақ күтудің қисыны жоқ.
Асу Алмабаев UFC-дегі алғашқы жекпе-жегін 2023 жылдың тамызында өткізген. Бірінші жекпе-жегінде қазақстандық файтер америкалық Оди Осборнмен (12-7) кездесіп, жеңіске жетті. Содан кейінгі кездесулерінде Асу Алмабаев Си Джей Вергару (12-5-1) мен Хосе Джонсоннан (16-9) басым түскен болатын. Сондай-ақ жақында Асу Алмабаев UFC-дегі үздік 15 файтердің қатарына кірген болатын.