Парижге аман-есен жеттік – Мырзағали Айтжанов
Бас бапкер Париждегі дайындықтарын бастап кетті
Бокстан Қазақстан командасы Франция астанасы Парижге аман-есен жетіп, дайындықты бастап кетті. Бұл туралы Dopmedia.kz тілшісі Inform.kz сайтына сілтеме жасап хабарлайды.
Көпшілік тағатсыздана күткен Париж Олимпиадасында бокс жарыстары 27 шілде мен 11 тамыз аралығында өтеді. Додаға бокстан Қазақстан ерлер құрамасы толық құрамда қатысады.
Ел намысын Сәкен Бибосынов (51 кг), Махмұд Сабырхан (57 кг), Мұхаммедсабыр Базарбайұлы (63,5 кг), Асланбек Шымбергенов (71 кг), Нұрбек Оралбай (80 кг), Айбек Оралбай (92 кг) және Қамшыбек Қоңқабаев (+92 кг) қорғайды. Ал әйелдер құрамасынан алғаш рет үш боксшы сынға түседі. Олар: Карина Ибрагимова (57 кг), Валентина Хальзова (75 кг), Назым Қызайбай (50 кг).