Соңғы тай-брейкте Әмірдің жұбы 6:9 есебімен жеңіліп тұрып, ерекше камбекпен жеңіске жетті
«Ролан Гаррос» турнирі аясында жасөспірімдер арасында өтіп жатқан Франция ашық чемпионатында қазақ теннисшісі Әмір Омарханов жұптық сында жартылай финалға шықты.
Ресейлік Тимофей Дерепаскомен жұп құрған отандасымыз ширек финалда Томас Фурель (Франция)/Лука Преда (Румыния) жұбымен кортқа шығып, 6:4, 4:6, 12:10 есебімен жеңіске жетті. Соңғы сеттегі тай-брейкте Әмірдің жұбы 6:9 есебімен жеңіліп жатқан. Дегенмен, олар басымдықты қолға алып, матчты өз пайдасына шешті.
Әмір Омарханов – жасөспірімдер арасындағы «Ролан Гарростың» жартылай финалына шыққан үшінші қазақстандық теннисші. Ең біріншісі – Ирина Селютина. Ол 1997 жылы зимбабвелік Кара Блэкпен Франция ашық біріншілігі мен Уимблдонның жеңімпазы атанған (жасөспірімдер арасында – авт.). Екіншісі – Амина Рахым. Ол 2005 жылы «Ролан Гарростың» финалында, 2006 жылы Juniors US Open турнирінің жартылай финалында және Juniors Australian Open турнирінің жартылай финалында жұптық сында өнер көрсетті.
-
16 қыркүйек, 2024
Қазақ көкпаршылары Қырғызстанға бара ма: қазақтар жауап берді
-
16 қыркүйек, 2024
Қырғыз көкпаршылары қазақтарды өз жеріне шақырып жатыр
-
13 қыркүйек, 2024
Көкпардың арты “жұмыртқа дауына” ұласып кеткен жоқ па?