"Пәтер, көлік, сыйақы": Досаев Олимпиада жүлдегерлерінен ештеңе аямады (фото)
Алматы әкімі Ерболат Досаев Олимпиада жүлдегерлерін марапаттады
Алматы әкімі Ерболат Досаев Париж Олимпиадасының жүлдегерлерін марапаттады. Бұл туралы Dopmedia.kz тілшісі Алматы әкімдігінің баспасөз қызметіне сілтеме жасап хабарлайды.
Ерболат Досаев Олимпиаданың күміс жүлдегері Нариман Құрбановты, қола жүлдегерлер Ғұсман Қырғызбаевты, Назым Қызайбайды және Александра Ле мен Ислам Сәтбаевты құттықтады.
Ерболат Досаев Нариман Құрбановқа екі бөлмелі пәтер сыйлады, ал Ғұсман Қырғызбаевқа, Назым Қызайбайға, Александра Ле мен Ислам Сәтбаевқа бір бөлмелі пәтер сыйға тартты. Сонымен бірге, спортшыларға 4 және 5 миллион теңгеден ақшалай сертификаттар мен жаңа автокөліктердің кілті табысталды. Сондай-ақ Нариман Құрбановқа демеушілер есебінен тағы бір пәтер сыйға тартылды.
