Мессидің алаңға қашан оралатыны белгілі болды
Месси жарақатынан айығып келеді
«Интер Майами» және Аргентина құрамасының шабуылшысы Лионель Месси жарақатынан айығып келеді, деп Dopmedia.kz хабарлайды.
Журналист Эрнан Клаус әлеуметтік желідегі парақшасында Месси жеке бағдарлама бойынша жаттығуын жалғастырып жатыр, жақын арада командамен қатарына қосылып, жаттығуды бастайды деп жазған. Шабуылшы 1 қыркүйекте өтетін «Чикаго Файрге» қарсы матчқа қатысуы мүмкін.
Футболшы 15 шілдеде Америка кубогының финалында тобығынан жарақат алып, матчтың 64-минутында ауыстырылды.
Лионель Месси «Интер Майамиге» 2023 жылы ауысты. Ойыншының клубпен келісім шарты 2025 жылға дейін.