«Бранн» – «Астана»: қай клубтың футболшыларының бағасы қымбат?

22 тамызда УЕФА Конференция лигасының плей-офф кезеңі аясында елордалық «Астана» Норвегияда жергілікті команда «Браннға» қарсы матч өткізеді, деп Dopmedia.kz хабарлайды.

Transfermarkt порталы «Бранн» клубында өнер көрсететін ойыншылардың жалпы құнын 18,30 миллион еуро деп бағалап отыр. Ең қымбат фуболшысы – жартылай қорғаушы Феликс Хорн Мюре (2,3 миллион еуро).

«Астана» футболшыларының жалпы бағасы қарсыластан екі есе арзан. Порталдың мәліметіне сүйенетін болсақ, клубта ойнайтын футболшылардың жалпы құны 9,55 миллион еуро. Құрамда бір миллионға еуроға бағаланатын футболшы жоқ. Ең қымбат ойыншы – беларуссиялық Макс Эбонг (800 мың еуро).