«Дегенімізге жеттік»: Нартай Аралбайұлы қуанышты жаңалықты айтты (видео)

Hannah Peters/Getty Images. Суретте: Дэйзи Джепкемей

20 қазан, 2024

240

Нартай Аралбайұлы көпшілікті қуантатын жаңалығын айтты

Легионерлерге ақша төлеуге жол бермейтін заңдық норманы Үкімет қолдады, деп хабарлайды Dopmedia.kz.

Бұл туралы Мәжіліс депутаты Нартай Аралбайұлы Instagram желісіндегі ресми парақшасында айтты.

Оның айтуынша, адам естімеген спорт түрлеріне ақша беріп келген министрліктің шешімі де тоқтатылды. 180 спорт түрі қысқартылады! Тиісті норманы Үкімет қолдады.

«Қазақстан Республикасының кейбір заңнамалық актілеріне дене шынықтыру және спорт, сондай-ақ нормалардың артық (шамадан тыс) заңнамалық регламенттелуін болғызбау мәселелері бойынша
өзгерістер мен толықтырулар енгізу туралы» Заңының 49 бабы:

Бірінші бөлігі: «Қазақстан Республикасының азаматтары болып табылмайтын спортшыларды бюджет қаражаты есебінен қаржыландыруды жүзеге асыруға тыйым салынады»

Екінші бөлігі: «Қазақстан Республикасының азаматтары болып табылмайтын спортшыларды квазимемлекеттік сектор субъектілерінің қаражаты есебінен қаржыландыруға жол берілмейді» – деп жазылды.

49-бап. Дене шынықтыру мен спортты қаржыландыру көздерінің 6-тармағы мынадай мазмұнда жазылады:

«Бюджет қаражаты есебінен қаржыландыру мынадай бағыттар бойынша жүзеге асырылады:
1) жоғары жетістіктер спорты, оның ішінде спорттың басым түрлері;
2) мемлекеттік спорт ұйымдарының жұмыс істеуі;
3) бұқаралық спорт;
4) спорттық инфрақұрылымды дамыту»;