Ямальдың «тұрмысқа шыққан» сүйіктісі (фото)
Қыздың парақшасында тұрмыста екендігі көрсетілген
Еуро-2024 турнирінің жеңімпазы атанған Испания құрамасының шабуылшысы Ламин Ямаль марапаттау рәсімінен кейін өзінің сүйіктісімен көпшіліктің көзіне түсті. Бұл туралы Dopmedia.kz тілшісі хабарлайды.
17 жастағы Еуропа чемпионының сүйіктісінің есімі – Алекс Падилья екен. Кейбір дереккөздердің мәлімдеуінше, қыздың әлеуметтік желідегі парақшасында оның студент екені және Барселонада оқитыны жазылған.
Бір қызығы – қыздың Tiktok әлеуметтік желісіндегі жеке парақшасында тұрмыста екені жазылған. Осы жазбаға мән берген бірқатар жандар Ламин Ямаль мен Алекс Падилья екеуінің арасындағы қарым-қатынасты түсіне алмай, әлек болып жатыр.
Айта кетелік, Германияның Берлин қаласында өткен финалдық ойында Испания құрамасы жеңіске жетіп, Еуро-2024 турнирінің чемпионы атанған болатын.