Қазақстандық теннисші алғаш рет ATP рейтингісіне енеді olympic.kz

Ахмет Қанатұлы

18 шілде, 2024

140

Әмір Омарханов АТР рейтингісіне қосылады

ITF 18 жасқа дейінгі спортшылар арасында әлемдік рейтингті жариялаған болатын. Қазақстанның жас жұлдызы, 16 жастағы Әмір Омарханов рейтингте 15-орынға көтерілді, деп Dopmedia.kz тілшісі Ұлттық Олимпиада комитетінің ресми сайтына сілтеме жасап хабарлайды.

Осылайша Әмір Омарханов өзіңің осы уақытқа дейін тіркеген үздік нәтижесін (2024 жылғы ақпан, №12) қайталауға жақын.

Қазір Астанада ересектер арасындағы челленджер турнирінде өнер көрсетіп жатқан қазақстандық теннисші алдағы аптада 4 ұпаймен алғаш рет ATP рейтингісіне де кіреді. 

Сондай-ақ, жасөспірімдер арасындағы ТОП-50 үздік теннисшінің қатарына Соня Жиенбаева (№21) мен Асылжан Арыстанбекова (№38) енді. Даниал Рахматуллаев – 58, Заңғар Нұрланұлы – 163, Айя Нұпбай – 120, Полина Слепцова 229-сатыда тұр.

Азия теннис федерациясының (ATF) жаңартылған рейтингісінде 16 жасқа дейінгілер арасында Заңғар Нұрланұлы бұрынғыша 1-орында. 

14 жасқа дейінгі теннисшілер арасында Tennis Europe ТОП-100-де Қазақстанның төрт спортшысы бар: Роберт Каминский (61-орын), Ахмади Маханов (63-орын), Родион Трайгель (69-орын). Ал қыздар арасында Линара Бөлешева 84-орында келеді. 

telegram Спорт жаңалықтарын қысқа-нұсқа оқығыңыз келе ме?
Телеграмға жазылыңыз!