"Ипотекасын жауып берді": министр Паралимпиада жүлдегерін марапаттады instagram.com/digital_ministry_kz

Ахмет Қанатұлы

6 қыркүйек, 2024

268

Еркін Ғаббасов сый-құрметке бөленді

Цифрлық даму министрлігінің ұжымы Париждегі жазғы Паралимпиадасының күміс жүлдегері Еркін Ғаббасовты құттықтады, деп Dopmedia.kz тілшісі министрліктің Instagram желісіндегі ресми парақшасына сілтеме жасап хабарлайды. 

Цифрлық даму министрі Жаслан Мәдиев Паралимпиада жүлдегері Еркін Ғаббасовты құттықтап, "Үздік цифрландырушы" төс белгісімен марапаттады. Сондай-ақ cпортшының ипотекалық қарыздарын жабу мақсатында оған министрлік атынан 7 миллион теңгелік сертификат табыс етілді.

"Біздің қатарымызда Еркіннің болғанына мақтанамыз, ол Паралимпиададағы оқ ату бойынша Қазақстанға алғашқы медаль әкелді. Еркін 2014 жылдан бері Көкшетау мамандандырылған халыққа қызмет көрсету орталығында жұмыс істеп келе жатқан білікті маман. Оның жетістікке жету жолы – табандылық пен қайсарлықтың тарихы", – делінген министрліктің хабарламасында. 

telegram Спорт жаңалықтарын қысқа-нұсқа оқығыңыз келе ме?
Телеграмға жазылыңыз!