V Дүниежүзілік көшпенділер ойындары
Қазір көкпаршылар басқа жарысқа дайындалып жатыр
Қырғызстанның көк бөрі федерациясы Қазақстанға Ыстықкөл жағасында 1 қарашада қарымта матч өткізуді ұсынған. Алайда Қазақстанның көкпар құрамасы бұл матчқа қатыса алмайды, деп Dopmedia.kz тілшісі Informburo.kz сайтына сілтеме жасап хабарлайды.
«Федерация Ыстықкөл жағасындағы Келісім кубогына қатыса алмайды, өйткені көрсетілген күндерде басқа маңызды жарыстар жоспарланған. Қазіргі уақытта көкпаршылар сол ойындарға дайындық үстінде», – делінген хабарламада.
Еске сала кетейік, 12 қыркүйекте көкпардан Қазақстан және Қырғызстан құрамалары Көшпенділер ойындарының ақтық кезеңінде жолдары түйісіп, қазақ көкпаршылары 5:4 есебімен жеңіске жеткен болатын.
Сондай-ақ дәл осы күні көк бөріден де қос құрама кездесіп, қырғыз спортшылар 10:4 есебімен басым түскен болатын.
-
16 қыркүйек, 2024Қазақ көкпаршылары Қырғызстанға бара ма: қазақтар жауап берді
-
16 қыркүйек, 2024Қырғыз көкпаршылары қазақтарды өз жеріне шақырып жатыр
-
13 қыркүйек, 2024Көкпардың арты “жұмыртқа дауына” ұласып кеткен жоқ па?
