«Күйзеліске түсіреді»: Тоқтар Серіков кіммен құда болғысы келмейді?

instagram.com/toktar_beibit

25 қазан, 2024

3.1k

Тоқтар Серіков өнерде кіммен құда болғысы келмейтінін айтты

Отандық эстрада жұлдызы Тоқтар Серіков кіммен құда болғысы келмейтінін айтты. Өнер иесі «Әйгерім Сейфолланың сырласуында» Мейрамбек Бесбаев екеуінің қарым-қатынасына тоқталған, деп Dopmedia.kz тілшісі Ozgeris.Info сайтына сілтеме жасап хабарлайды.

Тоқтар Серіковтің сөзінше, ол Мейрамбекті ағайынындай жақсы көреді. Эстрада жұлдызы жақынымен бұл қарым-қатынасына селкеу түсіргісі келмейді.

«Мен Мейрамбекті досым емес, ағайынымдай жақсы көремін. Онымен егіз болып өскенмін. Ал дәл ертең балалар жарасып, оның қызы мен менің ұлым құда боламыз, құда қыламыз деп жатса, мен үлкен күйзеліске түсіп қалуым мүмкін. Себебі мен Мейрамбегімді ешқашан жамандыққа қимаймын. Ол менің жан дүниемнің жартысы, оны ештеңеге қимаймын. Ол менімен туыс болып кету керек сияқты. Менің түйсігім сондай», – деді ол.

Әнші өнердегі әріптесі Сәкен Майғазиев туралы да дәл осындай пікірде. Тоқтар Серіков достары үшін отқа батып, суға түссе де, құда болуға дайын емес.

«Сәкен Майғазиевпен балалық шақтан бірге келе жатырмыз. Ертең біздің балаларымыздың арасында сондай бір от, сезім пайда болса, қуаныштымыз. Бірақ дей тұрғанмен, мүмкін емес дүниелерге қимаймын. Мен үшін ол ет жақыным, ағайыным болып кеткен. Олар үшін отқа түсіп, суға батуға бармын. Оларды жауға да, дауға да бермеймін.

Құда болсақ, өкпешіл қазақпыз ғой, болмайтын дүниеге өкпелеп қалсақ, дүниедегі ең қиын сезім. Достарыммен дос болып қалғым келеді. Бірақ ертең Жанболатпен, Сәкен мен Мейрамбекпен құда етіп жатса, ештеңеге қарсы тұра алмаймыз», – деді ол.