Светлана Назарбаеваның ақтық сапарынан кадрлар пайда болды (видео)

Видеодан скриншот

1 қараша, 2024

3.3k

Желіде эксклюзив кадрлар жариялана бастады

Қайрат Сатыбалды мен Самат Әбіштің анасы Светлана Назарбаеваның ақтық сапарынан эксклюзив кадрлар пайда болды, деп хабарлайды Dopmedia.kz.

Суреттер "БАСЕ" YouTube-арнасында пайда болды. Кадрлардан Қайрат Сатыбалды мен Самат Әбіш те байқауға болады.

Дереккөз мәліметінше, Нұрсұлтан Назарбаев немере інілерінен толығымен теріс айналып, олардың анасының жерлеуіне де келмеген.

Ас Алматыдағы қымбат мейрамханалардың бірінде өткен.

Айта кетейік, Светлана Назарбаева - Нұрсұлтан Назарбаевтың марқұм інісі Сатыбалды Назарбаевтың әйелі болған. Сатыбалды Назарбаев 34 жасында жол апатынан қаза тапқан.

Еске салайық, Светлана Назарбаева 22 қазанда 77 жасында өмірден өтті. Ол филолог, педагогика ғылымдарының кандидаты,"Дәуір" полиграфиялық баспа кешенінің бас директоры болды.

Ашық дереккөз мәліметтеріне сүйенсек, Светлана Назарбаева жылжымайтын мүлікті жалға берумен айналысатын "Интердизайн-АС" астаналық компаниясының да иесі болған.