Жекпе-жектен бас тартқан Белал тосын пікір білдірді Фото: Chris Unger/Zuffa LLC via Getty Images

Ахмет Қанатұлы

10 қараша, 2024

127

Ол Шавкатпен кездесуден бас тартқан болатын

UFC-дің жартылай орта салмақтағы чемпионы Белал Мухаммад ұйымның екі ардагері – Нил Магни мен Тони Фергюсон арасындағы қызықты жекпе-жек өткізуді ұсынды, деп хабарлайды Dopmedia.kz.

Белал Мухаммад осы екі спортшының соңғы жекпе-жектерде сәтсіздікке ұшырағанын ескеріп, олардың айқасын көргісі келетінін білдірді.

«Енді Нил Магни мен Тони Фергюсонның жекпе-жегін ұйымдастырайық», – деп жазды Мухаммад әлеуметтік желідегі жазбасында және бұл кездесуді UFC басшылығына ұсынды.

Еске салсақ, 9-нан 10 қарашаға қараған түні Лас-Вегас қаласында UFC Fight Night 247 турнирі өтті. Онда бразилиялық жартылай орта салмақтағы Карлос Пратес Нил Магниді бірінші раундта нокаутпен жеңіп шықты. Бұл жеңіліс Магни үшін соңғы алты жекпе-жектегі төртінші сәтсіздік болды.

Ал Тони Фергюсон қатарынан сегіз кездесу бойы жеңіліске ұшырап, жеңіліс сериясын тоқтата алмай келеді.

telegram Спорт жаңалықтарын қысқа-нұсқа оқығыңыз келе ме?
Телеграмға жазылыңыз!