Париждің қақ ортасына қазақстандық спортшылардың фотосы ілінді (видео) gov.kz

Ахмет Қанатұлы

22 шілде, 2024

79

Қазақстандық спортшылар бейнеленген фотосуреттер ілінді

Қазақстанның Франциядағы елшілігінің территориясында Париж Олимпиадасында бақ сынайтын ұлттық құрамаға арналған фотокөрме ашылды. Бұл туралы Dopmedia.kz тілшісі елшіліктің ресми сайтына сілтеме жасап хабарлайды. 

Көрмеге бокс, дзюдо, теннис, таэквондо, семсерлесу, күрес, көркем гимнастика және велоспорт секілді спорт түрлерінен қатысатын қазақстандық спортшылардың суреттері ілінген.

"Отандастарымызды спорттың 25 түрінен 81 медаль жиынтығына таласатын спортшыларымызға қолдау көрсетуге, ал Франция астанасының тұрғындары мен қонақтарын көрмені тамашалауға шақырамыз. Aлға, Қазақстан!", – делінген Қазақстанның Франциядағы елшілігінің хабарламасында.

Париж Олимпиадасы 26 шілде мен 11 тамыз аралығында өтеді. Төрт жылдықтың басты додасында Қазақстан намысын 80 спортшы қорғайды.