Legion-Media. Суретте:
Футболдан Қазақстан құрамасының матчында ине шаншар орын болмайды
Футболдан Қазақстан ұлттық құрамасының Ұлттар лигасының В дивизионында Норвегияға қарсы өткізетін алғашқы матчының билеттері толық сатылып кетті, деп Dopmedia.kz хабарлайды
Бұл кездесу 6 қыркүйекте Алматының Орталық стадионында өтеді. Стадионның сыйымдылығы – 23 804 орын. Норвегия құрамасының негізгі жұлдызы, «Манчестер Сити» клубының шабуылшысы Эрлинг Холанд бұл матчтың басты назарында болмақ.
Ұлттық құрама соңғы рет Алматыда 2020 жылы ойнаған. Ол кезде Ұлттар лигасы аясындағы Беларусь, Литва және Албанияға қарсы матчтар коронавирус пандемиясына байланысты көрерменсіз өтті.
Алматыдағы соңғы ресми матч көрермендердің қатысуымен 2017 жылы 10 маусымда Данияға қарсы өткен болатын, онда Қазақстан құрамасы 1:3 есебімен жеңіліс тапты.
Норвегиядан бөлек, Қазақстан құрамасы Ұлттар лигасы аясында Словения және Аустрия командаларымен де ойнайды.
-
16 қыркүйек, 2024Қазақ көкпаршылары Қырғызстанға бара ма: қазақтар жауап берді
-
16 қыркүйек, 2024Қырғыз көкпаршылары қазақтарды өз жеріне шақырып жатыр
-
13 қыркүйек, 2024Көкпардың арты “жұмыртқа дауына” ұласып кеткен жоқ па?
