V Дүниежүзілік көшпенділер ойынын тамашалау үшін түркиялық ерлі-зайыптылар Түркиядан Қазақстанға екі жасар ұлдарымен жолға шықты. Бұл туралы Dopmedia.kz тілшісі Anadolu Agency дереккөзіне сілтеме жасап хабарлайды. 

Идил Дуран мен Бурак Дуран Ыстанбұлдағы жұмыс-шаруасын тастап, екі жасар балаларымен 1982 жылғы трейлер-автобусқа отырып кезекті саяхатына аттанды. 

Саяхатты ел астанасы Анкарадан бастаған отбасы Астанаға 5 400 шақырым жолды жүріп өтпек.

«Біз Көшпенділер ойынының биыл Қазақстанда өтіп жатқанын білдік. Сол кезде неге «Көшпенді» деп аталатын автобуспен бармасқа деген ой келді. Шындығында, алда алыс жол бар. Осы ойымызды естіген адамдар «сен жындысыңдар ма?» деді. 5 мың 400 шақырым екенін естігендер таң қалады. Біздің көлігімізде кішкене кемшіліктер болды, біз оларды жөндедік. Шеберлерге Қазақстанға баратынымызды айтқанымызда олар таң қалды», - деді Бурак Дуран.