Боксшымыз Қамшыбек Қоңқабаев колонияда не істеп жүр?

ашық дереккөз

9 қыркүйек, 2024

979

Қазақ боксшысын Аршалыдағы колониядағы апарды

Бокстан Токио Олимпиадасының қола жүлдегері атанған боксшымыз Қамшыбек Қоңқабаев колонияға барды, деп Dopmedia.kz тілшісі Бірінші бол сайтына сілтеме жасап хабарлайды.

Бұл шара ҚР премьер-министрінің өкімімен бекітілген Қылмыстық-атқару жүйесі мекемелеріндегі жағдайды жақсартудың 2023-2025 жылдарға арналған Жол картасын іске асыру шеңберінде жүзеге асырылған.

Аталған іс-шараны Астана қаласы Қылмыстық-түзету мекемесі мен Аршалы аудандық прокуратурасымен бірлесіп ұйымдастырған. Мақсат сотталғандармен тәрбие және профилактикалық жұмыстарды жүргізу болатын.

«Өз қателіктеріңізді түсініп, еліміздің толыққанды азаматтары ретінде еркіндікке оралуға ұмтылуларыңыз керек. Сіздерді спортпен айналысуға, салауатты өмір салтын ұстануға шақырамын. Спортпен айналысу ешқашан кеш емес. Бір айтарым болашақтарыңыз өз қолдарыңызда әрқашан есте сақтаңыздар», – деді Қамшыбек Күнқабаев өз сөзінде.

Боксшы спорттағы карьерасын, жеңіске жеткен жолдағы қиындықтары мен қызықтарын әңгімелеп берді.