Қазақстанның жоғары соты
Адвокат осы және өзге мәселелер бойынша жауап бері
13 мамырда Астанада Салтанат Нүкенованың өліміне қатысты атышулы сот процесі аяқталды. Бұрынғы ұлттық экономика министрі Қуандық Бишімбаев 24 жылға сотталды. Сотталушының мүддесін қорғаған адвокат Ерлан Ғазымжанов ашық сұхбат беруге келісті, - деп Dopmedia.kz тілшісі Tengrinews.kz сайтына сілтеме жасап хабарлайды.
Еске салайық, негізгі қорғаныс желісі Салтанат Нүкенова денесіндегі жарақаттың көбін өзі құлағаннан алды деген тұжырымға құрылды. Бишімбаев сотта сөйлеген сөзінде азаматтық некеде болған марқұм әйелін қызба мінезді адам деп сипаттады.
"Егер қорғаныс басқаша құрылса, Қуандық Бишімбаев тізе бүгіп, кешірім сұраса, нәтиже басқаша болуы мүмкін бе еді деген пікір бар, яғни егер ол кінәсін толық мойындаса, шын жүректен кешірім сұраса, бірақ біз мұндайды көрмедік", - деп сұрақ қойды журналист адвокатқа.
