Алматыда арнайы операция барысында ірі нарколаборатория жойылды, деп хабарлайды Dopmedia.kz Polisia.kz-ге сілтеме жасап.

Алматы полиция департаменті басшысының бірінші орынбасары Қуатбек Науатовтың айтуынша, арнайы операция прокуратурамен бірлесіп жүргізілді. 35 жастағы Алматы облысының тұрғыны жалға алынған үйде синтетикалық есірткі өндірген.

“Тінту барысында ұнтақ тәрізді заттары бар бірнеше полиэтилен пакеттері, ерекше иісі бар сұйықтықпен толтырылған ірі канистрлер, 1,80x1,20 метр көлеміндегі шығырмалы ванна, желдету жүйесі мен гофрленген трубкалармен жабдықталған, ішіндегі 150 литрлік пластикалық бөшкелер, реагенттерді араластыруға арналған, сондай-ақ науалар, үстіңгі қабаты бар пластикалық контейнерлер, таразылар және басқа да лабораториялық құрал-жабдықтар тәркіленді,” - деді ол.

Сот-химиялық сараптама мәліметтеріне сәйкес, ұнтақ тәрізді зат мефедрон болып табылды, оның салмағы 21,7 кг.

“Бұл факті бойынша алдын ала тергеу басталды. “Нарколаборант” қамаққа алынды. Қазіргі уақытта Алматыға синтетикалық есірткі өндіруге қажетті шикізат жеткізетін арнаны анықтау жұмыстары жүргізілуде,” - деп қорытындылады департаменттің орынбасары.