Егемен Қазақстан
Ішкі істер министрлігі жедел-профилактикалық іс-шара өткізді
Қазақстан Республикасы Ішкі істер министрлігінің ресми ақпараттық ресурсы ұсынған мәліметке сәйкес, полиция екі күн ішінде іздеуде жүрген 280 қылмыскерді ұстады. Бұл туралы Dopmedia.kz тілшісі Ulysmedia.kz сайтына сілтеме жасап хабарлайды.
Олардың ішінде ауыр қылмыс жасағандар бар:
- кісі өлтіргені үшін – 9 адам;
- денсаулыққа ауыр зиян келтіргені үшін – 4 адам;
- қарақшылық шабуылдар үшін – 5 адам;
- тонау қылмысы үшін – 7 адам;
- есірткіге қатысты қылмыстар үшін – 19 адам ұсталды.
Сонымен қатар, республикадан тыс жерлерде 33 қылмыскер қолға түскен. Шет мемлекеттердің сұрауымен Қазақстан аумағында 145 адам қамауға алынған.
Бұл нәтижелер полицияның қылмыспен күрестегі қарқынды жұмысын көрсетіп отыр. Ішкі істер органдары қылмыстық жауапкершіліктен жалтарғандарды анықтап, жауапқа тарту үшін халықаралық ынтымақтастықты да белсенді жүргізуде.
