"Меккеге барамыз деп едік...": марқұм Құрманай Бақтиярқызының тұңғышы елді жылатты Видеодан скриншот

Дөп медиа

1 қараша, 2024

9.3k

Марқұмның тұңғышы анасына жантебірентерлік жазба арнады

Талай хит әндердің авторы, ақын марқұм Құрманай Бақтиярқызының тұңғышы Ханшайым анасына жазба арнап, көпшілікті жылатты, деп Dopmedia.kz тілшісі Skifnews.kz ақпарат порталына сілтеме жасап хабарлайды. 

Бет әрлеуші болып жұмыс істейтін бойжеткен анасының қазасынан екі күн бұрын, туған күнін атап өткен. 

“Өзімнің туған күнімде маған жарық дүние сыйлаған анамды ауруханаға барып, бетінен сүйіп шықтым. Алланың ісіне шара жоқ. Өзі беріп, қайтадан шақырып алды. Мәңгілік сапарына шығарып салдым. Жарқыраған күн еді, менің арқа сүйерім еді ғой… Бәрін жүректен шыққан сөздерімен жұбататын. Жаназа кезінде үйден ғұсылын алдырып, сұлу боп шыққанда қимастық сезім қатты қысты. Раббыма көп дұға айттым. Періштелер әдемі иісімен күтіп алатындай етіп, шығарып салдым. Анашыммен жасалған қаншама ниетім бар еді. Меккеге бірге барамыз деп армандап едік. “Анашым, сәждеге маңдайың тиді. Енді бірге намаз оқиық, қара тасты бірге ұстап тілек айтамыз” деп едік. Жүрегіңнің иманы өзіңе серік болсыншы”, – деп жазды Ханшайым есімді ару. 

telegram Спорт жаңалықтарын қысқа-нұсқа оқығыңыз келе ме?
Телеграмға жазылыңыз!