Қазақстандық семсерлесушілер командалық сайыста Париж Олимпиадасының ширек финалында бақ сынады. Бұл туралы Dopmedia.kz хабарлайды.

Шпагамен семсерлесуден Қазақстанның ерлер командасы 1/4 финалдық кезеңде Венгрия спортшыларымен кездесті.

Қазақстан құрамасы сапынан Руслан Курбанов, Эльмир Әлімжанов, Вадим Шарлайимов және Ерлік Сертай өнер көрсетті. Нәтижесінде қазақстандық спортшылар венгриялық семсерлесушілерден 30:45 есебімен жеңіліс тапты.

Шпагамен семсерлесуден Қазақстанның ерлер құрамасы 5-8 орындарды сарапқа салу үшін Египет спортшыларымен сынға түседі.