«Нұрбек командадағы барлық жігіттер үшін айқасады» — Айтжанов

Владислав Семенов

4 тамыз, 2024

129

Бокстан Қазақстан құрамасының бас бапкері Мырзағали Айтжанов Нұрбектің жеңісіне қатысты пікір білдірді

Бокстан Қазақстан құрамасының бас бапкері Мырзағали Айтжанов 80 келі салмақта өткен Нұрбек Оралбай мен Кристиан Пиналес арасындағы жекпе-жекке қатысты пікір білдірді. Бұл туралы Dopmedia.kz тілшісі хабарлайды.

"Олимпиада ойындарында оңай қарсылас деген атымен жоқ. Барлығы да өте қауіпті саналады. Бүгін Нұрбекпен жұдырықтасқан доминикандық боксшы да құр емес. Ол қандасымыз Тоқтарбек Таңатқаннан бастап, мықты боксшыларды қатардан шығарды.

Нұрбек бүгін біздің айтқан тапсырмамызды мүлтіксіз орындады. Оған алға бармай, қарсыласты күтіп алып, қажетті кезде соққы жұмсау керектігін айттық.

Төрешілердің үш раундта да 3:2 есебін бергені туралы ештеңе айта алмаймын. Біз жеңісті бергеніне қуанып жатырмыз.

Алда финалдық жекпе-жек күтуде. Нұрбек командадағы барлық жігіттер үшін айқасады", - деді Айтжанов.