Баходир Жалолов енді қазақстандық боксшыны аямайды – Толқын Қылышев olamsport.com. Суретте: боксшы Баходир Жалолов

Ахмет Қанатұлы

22 тамыз, 2024

2.2k

Бокстан Өзбекстан құрамасының бас бапкері тосын мәлімдеме жасады

Бокстан Өзбекстан құрамасының бас бапкері Толқын Қылышев Иван Дычко мен Баходир Жалолов ықтимал кездесуі туралы пікір білдірді, деп Dopmedia.kz хабарлайды.

"Иван Дычко бабында тұрғанда біздің ауыр салмақтағы болашағынан үміт күттіретін Жалоловты жеңіп жүрді.  Ол кезде Баходир ересектер арасына енді қосылған болатын. Мен Дычкоға құрметпен қараймын. Ешқандай менсінбеушілік жоқ. Бірақ Жалолов қазір Дычкомен кездессе оңай қарсылас болатыны сөзсіз. Боксты түсінетіндер Баходирдің қазіргі деңгейі қандай екенін жақсы біледі", – дейді Толқын Қылышев Sports.kz тілшісіне берген сұхбатында.

Айта кетейік, әуесқой бокста Иван Дычко өзбекстандық қарсыласымен 4 рет кездесіп, барлығында жеңіске жеткен.