Черчесов уақыт жоқ дейді: енді не істейміз? Фото ашық дереккөзден. Суретте: Станислав Черчесов

Ахмет Қанатұлы

4 қыркүйек, 2024

135

Станислав Черчесов алдағы матчтарға дайындық қалай өтіп жатқанын айтты

Футболдан Қазақстан ұлттық құрамасының бас бапкері Станислав Черчесов команданың Норвегияға қарсы матчқа дайындығы жөнінде айтты, деп Dopmedia.kz хабарлайды.

"Жігіттер біртіндеп жиналып жатыр. Зайнутдинов пен Айымбетов ұшып келді. Скварцов та қатарға қосылды. Ертең толық құрамда алғашқы жаттығуды өткіземіз. Жоспар бойынша барлығын орындап жатырмыз. Кейбір элементтерге аз көңіл бөлудеміз, өйткені уақыт жетпейді.

Рамазан Оразовқа қатысты сұрақтар болды, ол МРТ жасайды, сонан соң оның аяғы жайлы толық білетін боламыз. Кусяпов келе алмады. Ал Самородовты қалыпқа келтіруге тырысып жатырмыз. Мұндай жағдайда кез-келген ойыншы біз үшін қымбат.

Қарсыластарды қарап шықтық. Жақсы ойыншылардан жасақталған, бірақ қарсылас туралы аз ойлағым келеді, өйткені ең маңыздысы – біздің команданың дайындығы. Кез-келген қарсыласқа дайын болу үшін тиянақты жұмыс істеуіміз керек. Біз дұрыс жоспар құруға тырысамыз, ал жасыл алаңда тапсырманы орындайтын футболшылар. Басқа не дейін? Қолдау күтеміз, өз алаңымызда өтетін ойындарда жанкүйерлердің қолдауы маңызды", – деді Станислав Черчесов ұлттық құраманың баспасөз қызметіне берген сұқбатында.