UFC-дің жартылай ауыр және ауыр салмақ дәрежесінде экс-чемпион болған америкалық Даниэль Кормье әлеуметтік желідегі парақшасында UFC-дің орта салмақтағы бұрынғы чемпионы, австралиялық Роберт Уиттакердің сынған жақ сүйегінің фотосын жариялады. Бұл жарақатты оған UFC 308 турнирінде жеңіліс көрмеген шешендік файтер Хамзат Чимаев салған, деп хабарлайды Dopmedia.kz.

UFC 308 турнирі 26 қазанда, сенбі күні кешке Абу-Дабиде өтті. Чимаев Уиттакерге қарсы жекпе-жектің бірінші раундында тұншықтыру әдісін сәтті қолданып, жеңіске жетті.

Бұл жеңіс шешен файтер үшін UFC-де қатарынан сегізінші, ал мансабында 14-ші жеңіс болды. Шешен спортшысы кәсіби деңгейде 2018 жылдан бері белсенді. Ал Уиттакер, өз кезегінде, мансабында алғаш рет тұншықтыру әдісімен жеңілді.