Антрактидада Қазақстан туы тігілді (видео)

Скриншот: instagram.com/abdurahmon_fazilov

7 қараша, 2024

Блогердің ерекше әрекеті талқыға түсті

Абдурахмон Фазилов - өзбекстандық блогер әрі спорт жанкүйері. Ол Антарктидада түркі мемлекеттерінің туын орнатты. Бұл туралы Dopmedia.kz тілшісі хабарлайды.

Блогер Instagram желісінде жариялаған видеодан Өзбекстан, Қазақстан, Қырғызстан, Түрікменстан және Тәжікстан мемлекеттерінің туларын шыңға қадағанын көруге болады.

"Достығымыз бен тыныштығымыз мәңгілік болсын. Бұл видеоны мүмкіндігінше әлемге таратайық", - деп жазды Фазилов.

Видеоға қазақстандықтар да пікір қалдырып, Абдурахмон Фазиловқа алғыс айтты.

"Жарайсыз, алға Қазақстан", "Қазақ елі атынан мың алғыс, достығымыз мәңгі болсын", "Күшті, көп рахмет", - деп жазды қазақстандықтар.

Фазилов желідегі парақшасында Антарктидаға сапарының қызығы мен қиындығы туралы бірнеше контент жариялаған. Қазір Абдурахмонның 1,4 млн оқырманы бар. Еске салайық, қазақ ақынының арнауы Өзбекстанның тәуелсіздік күніне арналған мерекелік шарада шырқалған еді.