Бүгін, 8-ші қыркүйек күні еліміздің елордасы Астана қаласында 5-ші Дүниежүзілік Көшпенділер Ойындарының ресми ашылу салтанаты өтеді,- деп хабарлайды Dopmedia.kz тілшісі. 

Дүбірлі доданың алтын, күміс және қола медальдарында не бейленеңген? Олардың мағынасы қандай? 

5-ші Дүниежүзілік көшпенділер ойындарының медальдары барлық спорттық жарыстарды бір шаныраққа біріктіретін ерекше стильде жасалған – бұл Қазақстан халқы бірлігінің символы. Алдыңғы бетінде күн символы бейнеленген. Күн символы күнмен, өмірлік энергиямен және алға жылжумен байланыстырылады. Ол ағартушылықты, өмір мен күштің көзін білдіреді, спортты, мәдениетті және ғылымды біріктіреді. Жолшы дәстүрлі түрде қозғалыс, мақсатқа ұмтылу және жеңісті бейнелейді. Ол аталған үш бағыттағы динамикалық даму мен жетістіктерді көрсетеді. Медаль лентасы ақық түсінде көрсетілген. Ақық – қызғылт-сары минерал, ол энергия, ынталандыру және төзімділікті бейнелейді. Ол өмірлік күшпен және позитивті энергиямен байланыстырылады. Медальдағы осы символдардың жиынтығы спорт, мәдениет және ғылымдағы үйлесімді даму мен жетістіктерді білдіреді, оларды ортақ энергия, мақсатқа ұмтылу және өмірлік күш біріктіреді. Медальдарда көшпенділердің тарихи сабақтастығы мен мәдени мұрасын атап көрсететін руникалық петроглифтер бар. Руникалық жазулар даналық, білім және ата-бабалармен байланысты. Медальдардың артқы жағында ойындарды қабылдап отырған қала, ел және 5-ші Дүниежүзілік көшпенділер ойындарының өткізілу жылы көрсетілген.