"Қарсылас жазалады": Рамазан Оразов пікір білдірді kff.kz. Суретте: Рамазан Оразов

Ахмет Қанатұлы

10 қыркүйек, 2024

134

Ол бұл ойында Черчесовтің тапсырмасын орындай алмағанын айтты

Футболдан Қазақстан ұлттық құрамасының жартылай қорғаушысы Рамазан Оразов Словенияға қарсы Ұлттар лигасының топтық кезеңінде өткен матчтағы жеңіліс туралы пікір білдірді, деп хабарлайды Dopmedia.kz.

Ойын Любляна қаласында өтіп, Станислав Черчесовтің шәкірттері 0:3 есебімен жеңіліске ұшырады.

"Мен бұл ойынды қалай түсіндіру керегін білмеймін. Біз өзімізден мүлде басқа ойын күткен едік. Жаттықтырушының тапсырмаларын орындай алмадық. Мұндай жеңілісті қабылдау қиын. Өзімізден қателіктер іздеуіміз керек деп ойлаймын. Бұл ойынды талдап, өзімізбен жұмыс істеу қажет. Бүгін біз қарапайым сәттерде көп қателік жібердік, ал қарсылас сол қателіктеріміз үшін жазалады", – деді Рамазан Оразов.

Келесі кездесу 10 қазанда Аустрияға қарсы өтеді. Қазақстан құрамасы бұл матчты сырт алаңда өткізеді.

telegram Спорт жаңалықтарын қысқа-нұсқа оқығыңыз келе ме?
Телеграмға жазылыңыз!