Қазақстанның әйелдер құрамасы 2025 жылы өтетін футзалдан алғашқы әлем чемпионатының іріктеу турниріне дайындықтарын Астанада жүргізуде, деп хабарлайды Dopmedia.kz.

Құрама негізгі кезең аясында 6-топта Нидерланд және Польшамен бәсекеге түседі. Топ жеңімпазы элиталық кезеңге өтеді.

Негізгі раундтың ойындары Қазақстанда өтеді: 17-19 қазан күндері Астанадағы «Сайран Арена» спорт кешенінде.

Айта кетейік, футзалдан әйелдер арасындағы Әлем чемпионаты 2025 жылдың 21 қараша - 7 желтоқсан аралығында Филиппинде ұйымдастырылады. Турнирге 16 команда қатысып, Еуропадан (УЕФА) 4 құрама іріктеледі.