Британиялық теннисші Энди Маррей кәсіби карьерасын Париж Олимпиадасынан кейін аяқтайтынын мәлімдеді. Бұл туралы Dopmedia.kz тілшісі хабарлайды.

Бұл туралы 37 жастағы спортшы Instagram желісіндегі парақшасында:

"Парижге соңғы турнирім үшін келдім. Ұлыбритания командасы сапында өнер көрсеткенімді мақтан тұтамын", – деп жазды.

Энди Маррей жекелей сында екі дүркін Олимпиада чемпионы атанған. Сондай-ақ ол екі мәрте Уимблдонды және бір рет US Open додасында топ жарған.