Қазақстандық Олимпиада чемпионы әке атанды olympic.kz

Ахмет Қанатұлы

29 шілде, 2024

435

Дмитрий Баландин әке атанды

Жүзу спортынан Қазақстан тарихында Олимпиаданың жалғыз әрі тұңғыш чемпионы Дмитрий Баландин әке атанды. Бұл туралы ол Instagram желісіндегі парақшасында жазған, деп Dopmedia.kz тілшісі хабарлайды.

Сәби 28 шілдеде дүниеге келген. Ата-анасы қызының есімін Оливия деп атаған.

Айта кетейік, Дмитрий Баландин 2022 жылы кәсіби мансабын аяқтап, сол жылы шаңырақ көтерген. Дмитрий Баландиннің жұбайы да спортшы – синхронды жүзуден Қазақстанның спорт шебері.

Баландин 2016 жылғы Рио Олимпиадасында 200 метрге брасс әдісімен жүзуде топ жарып, чемпион атанған болатын. Ол Азия ойындарының үш дүркін жеңімпазы, 2015 жылғы Универсиада чемпионы.