Парижде (Франция) өтіп жатқан Олимпиада ойындарының ширек финалына бокстан Қазақстанның ерлер құрамасы сапынан төрт спортшы жолдама алды. Бұл туралы Dopmedia.kz тілшісі хабарлайды.

Ширек финалда ел намысын қорғайтын боксшылар:

Сәкен Бибосынов (51 кг)

Мұхаммедсабыр Базарбайұлы (63,5 кг)

Нұрбек Оралбай (80 кг)

Айбек Оралбай (92 кг)

Өзбекстан құрамасы сапынан әлі бірде-бір боксшы жеңіліс таппаған, толық құраммен ширек финалға өтті. Қазақстан мен Испания екінші орынды бөлісіп отыр (4 боксшы).

Франция мен Кубадан үш боксшы 1/4 финалдық кезеңіне өтті.

Доминикан Республикасы, Аустралия, АҚШ, Болгария, Әзірбайжан және Бразилиядан екі спортшыдан қатысады.

Ал Замбия, Кабо-Верде, Филиппиндер, Қырғызстан, Жапония, Канада, Венгрия, Таиланд, Грузия, Дания, Иордания, Ұлыбритания, Үндістан, Мексика, Хорватия, Украина, Бельгия, Ирландия, Тәжікстан, Италия, Германия, Эквадор және Армения елдерінен бір спортшыдан ширек финалда бақ сынайды.