Қазақстан құрамасы соңғы екі минутта жеңісті жұлып алды Фото ашық дереккөзден. Суретте: хоккейден Қазақстан ұлттық құрамасы

Ахмет Қанатұлы

26 тамыз, 2024

173

Хоккейден Қазақстан ұлттық құрамасы кезекті жеңісіне қол жеткізді

Кеше, 25 тамызда хоккейден Қазақстан ұлттық құрамасы Чехияның «Хомутов» клубымен жолдастық матч өткізді, деп Dopmedia.kz хабарлайды.

Кездесу 4:2 есебімен қазақстандықтардың жеңісімен аяқталды. Қазақстан құрамасы сапында Максим Мухамметов, Артем Лихотников, Роман Старченко және Никита Михайлис гол соқты.

Бұған дейін Қазақстан құрамасы Астанада өткен Президент кубогына қатысып, екінші орынға ие болған еді.

Айта кетейік, алдағы Олимпиадаға іріктеу кезеңі 29 тамыз бен 1 қыркүйек аралығында Словакия астанасы Братиславада өтеді. Қазақстан құрамасы Олимпиадаға жолдама алу үшін күреседі. 29 тамызда біздің команда Венгриямен алғашқы іріктеу матчын өткізеді. 30 тамызда Аустриямен, ал 1 қыркүйекте жарыс қожайындары Словакиямен кездеседі.