Бүгін, 30 тамызда Монакода УЕФА Конференция лигасының жеребесі тартылды, деп Dopmedia.kz хабарлайды.

Бұл турнирдің форматы биыл түбегейлі өзгерді. Елордалық "Астана" клубы УЕФА Конференция лигасының 2024/25 жылғы маусымында "Челси" (Англия), АПОЭЛ (Кипр), "Пафос" (Кипр), "Витория" (Португалия), "Нью-Сейнтс" (Уэльс), ТСЦ (Сербия) командаларымен кездеседі.

"Астана" жалпы алты матч өткізеді: үшеуі өз алаңында, үшеуі қонақта. "Астана" клубы өз алаңында "Челси", "Витория" және ТСЦ командаларына қарсы ойнайды, ал қонақта АПОЭЛ, "Нью-Сейнтс" және "Пафос" ұжымдарына қарсы кездесу өткізеді.