Қазақ көкпаршылары Қырғызстанға бара ма: қазақтар жауап берді

sputnik.kz. Суретте: қазақ көкпаршылары

16 қыркүйек, 2024

3.9k

Еліміздің Ұлттық спорт орталығы жауап берді

Қырғызстан Республикасының көк бөрі федерациясының мамандары Қазақстанға 1 қарашада Ыстықкөл маңайында көкпар мен көк бөріден турнир өткізуді ұсынған болатын. Қазақ спортшылары Sputnik Қазақстан тілшісіне бұл ақпаратты растады, деп хабарлайды Dopmedia.kz.

Қырғызстан тарабы қазақ көкпаршыларына 1 қарашада Келісім кубогын өткізуді ұсынып, шақырту жіберген еді. Ұлттық және ат спорты түрлері орталығының өкілдері шақыртуды алғанын айтты.

"Шақырту хат енді келді. Шақыртуға барамыз немесе бармаймыз деп үзілді-кесілді кесіп айтуға ерте. Көкпарға шабатын жылқылардың жағдайын, көкпаршылардың жағдайын біліп алу керек, оларға реабилитация керек пе, жоқ па? Жалпы, қырғыз ағайындарға ресми жауап беріледі", – деді Sputnik Қазақстан тілшісіне Ұлттық және ат спорты түрлері орталығы мамандары.

Еске сала кетейік, 12 қыркүйекте көкпардан Қазақстан және Қырғызстан құрамалары Көшпенділер ойындарының ақтық кезеңінде жолдары түйісіп, қазақ көкпаршылары 5:4 есебімен жеңіске жеткен болатын.

Сондай-ақ дәл осы күні көк бөріден де қос құрама кездесіп, қырғыз спортшылар 10:4 есебімен басым түскен болатын.