Футболдан Қазақстан құрамасының және «Зенит» клубының қорғаушысы Нұралы Әліп атақты «Манчестер Юнайтед» клубы тарапынан қызығушылық болған-болмағаны туралы айтып берді. Бұл туралы Dopmedia.kz тілшісі хабарлайды.

Нұралы Әліп бұл мәселеге байланысты Қайрат Боранбаевпен сөйлескенін атап өтті.

«Бұл туралы тек Қайрат Боранбаев біледі. Мен бұл жаңалыққа сенбедім. Бірақ ол өзі айтқанда да сенбедім (күлді). Егер «Манчестер Юнайтед» маған «Зениттегіден» екі есе аз жалақы ұсынса ше? Мен «Зенитте» ең төмен жалақы аламын, ал «МЮ»-де одан да төмен аламын ба?! (күлді). Ол жерде салық та бар. Мен сонда фастфуд жеймін бе?», – деп әзілдеді Нұралы Әліп YouTube желісіндегі «СБГ Шоу» подкастында.

Айта кетейік, Нұралы Әліпке ПСЖ мен «Манчестер Сити» клубтарынан да ұсыныстар түскенін атап өтуге болады.

Ол 2022 жылдан бері «Зенит» сапында ойнап келеді және жақында келісімшартын 2028 жылға дейін ұзартқан.

Transfermarkt порталының мәліметінше, оның трансферлік құны 3 миллион еуроға бағаланады.