Қазақстан футбол федерациясының президенті Әділет Барменқұлов "Зенит" футбол клубының қорғаушысы Нұралы Әліпке топ-командалардың қызығушылығы туралы тараған ақпаратқа түсініктеме берді. Бұл туралы Dopmedia.kz тілшісі хабарлайды.

Бұған дейін "Қайрат" футбол клубының төрағасы Қайрат Боранбаев Қазақстан құрамасының қорғаушысына еуропалық топ-клубтардың қызығушылық танытқанын айтқан болатын. 

Бұл ақпарат туралы ҚФФ президенті Әділет Барменқұлов осы бағыттағы қауесеттердің болғанын, бұл мағлұматтың одан әрі тарауына журналистердің ықпалы бар екенін жеткізеді және аталмыш ақпараттың фейк екенін айтады. 

Ал қазақстандық футболшылардың топ-клубтарда ойнауға мүмкіндігі туралы Әділет Барменқұлов:

"Бұл үлкен тілек. Осыған байланысты біз Станислав Черчесовпен ортақ жұмысты атқарып жатырмыз. Бұл әрекеттің мақсаты – ұлттық құрамадағы ойыншылардың кем дегенде 50%-ы шетелдік клубтарда өнер көрсетуі керек. Біз еуропалық футболдың деңгейіне шығуымыз қажет", – деді ҚФФ президенті СБГ ШОУ Youtube арнасына берген сұқбатында.