Ресей Федерациясы Ұлттық және бейолимпиадалық спорт түрлері комитетінің вице-президенті Игорь Павлюк Ресейдің дүниежүзілік көшпенділер ойындарын өткізуге мүдделі екенін мәлімдеді, деп хабарлайды Dopmedia.kz.

«Бұдан бөлек, біздің еліміз де көшпенді өркениеттердің бір бөлігі болған және өз дәстүрлері мен мәдениетіне ие. Спорт – бұл тек жарыс қана емес, ол достық, құрмет және ынтымақтастық. Үлкен мағынада спорт, әрине, саясаттан тыс болуы тиіс», - деді комитеттің вице-президенті.

Ресейдің Біріккен құрамасының нәтижелерін қорытындылаған баспасөз конференциясында ол Ресейдің ойындарды өткізу құқығын алу үшін бірқатар нормативтік мәселелерді шешу қажеттігін атап өтіп, бұл мәселені ойлауға уақыт бар екенін айтты.